Правілы карыстання бібліятэкамі

дзяржаўнай установы “Мядзельская цэнтральная раённая

 бібліятэка імя Максіма Танка”

 

  1. Правілы карыстання бібліятэкамі дзяржаўнай установы “Мядзельская цэнтральная раённая бібліятэка імя Максіма Танка” (далей – Правілы) распрацаваны ў адпаведнасці з Кодэксам Рэспублікі Беларусь аб культуры, іншымі заканадаўчымі актамі Рэспублікі Беларусь у галіне бібліятэчнай справы, Статутам дзяржаўнай установы “Мядзельская цэнтральная раённая бібліятэка імя Максіма Танка” (далей – ДУ) і рэгламентуюць узаемаадносіны паміж бібліятэкамі і карыстальнікамі.

    Правілы распаўсюджваюцца на ўсе бібліятэкі, якія ўваходзяць у склад ДУ.

  1. У сапраўдных Правілах выкарстоўваюцца тэрміны і значэнні, вызначаныя Кодэксам Рэспублікі Беларусь аб культуры.
  2. Правілы рэгламентуюць узаемаадносіны карыстальнікаў і бібліятэкі ў працэсе бібліятэчнага, інфармацыйнага, даведачна-бібліяграфічнага сацыякультурнага абслугоўвання.
  3. Парадак карыстання бібліятэкай, пералік асноўных паслуг і ўмовы іх прадастаўлення ўстанаўліваюцца ў адпаведнасці з заканадаўствам Рэспублікі Беларусь, палажэннем аб бібліятэцы, Тыпавымі правіламі і дадзенымі Правіламі карыстання бібліятэкай.
  4. Права на карыстанне бібліятэкамі на тэрыторыі раёна маюць любыя фізічныя асобы незалежна ад полу, узросту, нацыянальнасці, адукацыі, сацыяльнага становішча, палітычных і рэлігійных перакананняў і прафесійнай прыналежнасці, якія пастаянна пражываюць у зоне абслугоўвання бібліятэкі, а таксама любая юрыдычная асоба незалежна ад формы ўласнасці і ведамаснага падначалення, размешчаная ў рэгіёне.

       Асобы, якія часова пражываюць у зоне абслугоўвання бібліятэкі ў перыяд     знаходжання на сельскагаспадарчых і іншых работах, адпачынку маюць права карыстацца неабходнымі бібліятэчнымі дакументамі непасрэдна ў сценах   бібліятэкі, карыстацца чытальнай залай (пры наяўнасці апошняй).

6. Карыстальнікі бібліятэкі ў адпаведнасці з індывідуальнымі патрэбнасцямі і інтарэсамі маюць права на свабоднае і бясплатнае атрыманне асноўных паслуг бібліятэкі, акрамя платных (дадатковых) паслуг.

7. Непаўналетнія асобы маюць права на бібліятэчнае, інфармацыйнае і даведачна-бібліяграфічнае абслугоўванне ў дзяржаўных дзіцячых бібліятэках.

  1. Асобы з аслабленым і страчаным зрокам маюць права на бібліятэчнае, інфармацыйнае і даведачна-бібліяграфічнае абслугоўванне і атрыманне дакументаў на спецыяльных носьбітах інфармацыі ў публічных бібліятэках і спецыяльных дзяржаўных бібліятэках.
  2. Асобы, якія не могуць наведваць бібліятэку па месцы жыхарства па прычыне пажылога ўзросту, абмежаваных фізічных магчымасцей, маюць права на нестацыянарныя формы абслугоўвання з улікам прадугледжанага на гэтыя мэты дадатковага фінансавання з фондаў адпаведных бюджэтаў і праграм.
  3. Доступ да інфармацыйных рэсурсаў можа быць абмежаваны на аснове заканадаўства Рэспублікі Беларусь і ў адпаведнасці з дакументамі, якія рэгламентуюць дзейнасць бібліятэкі.

11.     Карыстальнікі бібліятэкі маюць права:

   11.1  наведваць бібліятэку ў адпаведнасці з рэжымам яе работы;

   11.2. бясплатна атрымліваць поўную інфармацыю аб складзе фондаў і  інфармацыйных рэсурсах бібліятэкі праз сістэму каталогаў, картатэк, баз   дадзенных і іншых форм бібліятэчнага інфармавання;

   11.3. бясплатна атрымліваць кансультацыйную дапамогу ў пошуку крыніц   інфармацыі;

   11.4. атрымліваць у часовае карыстанне дакументы з фондаў бібліятэкі для работы ў чытальнай зале або на абанеменце.

  • на абанеменце дазваляецца браць не больш пяці экзэмпляраў дакументаў тэрмінам на 1 месяц;
  • колькасць выдаваемых дакументаў для карыстання ў чытальнай зале не абмяжоўваецца;
  • тэрмін карыстання новымі дакументамі і выданнямі павышанага попыту скарочаны да 10 дзён;
  • адзіныя экзэмпляры даведачных выданняў, слоўнікі, энцыклапедыі, а таксама дакументы, атрыманыя па МБА з іншых бібліятэк на дом не выдаюцца.
    • працягваць тэрмін карыстання дакументам пры ўмове яго прадастаўлення ў захаванасці і адсутнасці запытаў з боку іншых карыстальнікаў на дадзены дакумент;
    • атрымліваць доступ да электронных інфармацыйных рэсурсаў у адпаведнасці з правіламі карыстання бібліятэкай;
    • атрымліваць дакументы або іх копіі па міжбібліятэчнаму абанементу, у тым ліку з выкарыстаннем сістэмы электроннай дастаўкі дакументаў, на ўмовах бібліятэк-фондатрымальнікаў;
    • удзельнічаць у сацыякультурных мерапрыемствах, аматарскіх аб’яднаннях, клубах па інтарэсах, арганізуемых бібліятэкай для карыстальнікаў;
    • выкарыстоўваць у зонах абслугоўвання чытачоў тэхнічныя ўстройствы на аўтаномным сілкаванні без гукавых сігналаў, за выключэннем капіравальных прыбораў, мабільных тэлефонаў, фота- і відэапаратуры;
    • карыстацца мабільнымі тэлефонамі па-за зонамі абслугоўвання чытачоў;
    • звяртацца да прадстаўнікоў адміністрацыі бібліятэкі з прапановамі, заўвагамі, скаргамі па ўсіх пытаннях, якія датычаць абслугоўвання, набыцця і арганізацыі інфармацыйных рэсурсаў і паслуг;
    • карыстацца новымі відамі паслуг, у тым ліку платнымі, пералік якіх вызначаны бібліятэкай і зацверджаны ў адпаведнасці з заканадаўствам Рэспублікі Беларусь.

  12.  Карыстальнікі бібліятэкі абавязаны:

    12.1. выконваць правілы карыстання бібліятэкай і прытрымлівацца рэжыму   работы бібліятэкі;

    12.2. беражліва адносіцца да бібліятэчных фондаў. Пры атрыманні дакументаў   з  якімі-небудзь дэфектамі карыстальнік павінен аб гэтым паведаміць   бібліятэкару;

   12.3. вяртаць дакументы ва ўстаноўлены бібліятэкай тэрмін;

   12.4. беражліва адносіцца да маёмасці бібліятэкі, інвентара і абсталявання, месц агульнага карыстання;

   12.5. праходзіць перарэгістрацыю чытачоў у тэрмін і ў адпаведнасці з парадкам,  устаноўленым бібліятэкай;

   12.6. захоўваць грамадскі парадак і чысціню ў памяшканнях бібліятэкі, паважаць  правы іншых карыстальнікаў;

   12.7. мець ахайны знешні выгляд.

  1. Карыстальнікам бібліятэкі забараняецца:

   13.1. наведваць бібліятэку ў стане алкагольнага, таксічнага, наркатычнага  ап’янення;

   13.2. уваходзіць у будынак бібліятэкі з жывёламі. За выключэннем          карыстальнікаў – асоб з аслабленным зрокам і асоб, страціўшых зрок – у  суправаджэнні сабакі-павадыра;

   13.3. унасіць у бібліятэку любыя друкаваны выданні, дакументы на электронных    і   іншых носьбітах, рэжучыя, колючыя прадметы;

   13.4. вынасіць дакументы з памяшкання бібліятэкі без запісу ў формах уліку, прынятых бібліятэкай;

   13.5. унасіць і выкарыстоўваць розныя капіравальныя прыборы, сканеры,   аудыё-,  фота- і відэаапаратуру);

   13.6. выкарыстоўваць мабільны тэлефон у зонах абслугоўвання чытачоў, а таксама з мэтай відэаздымкі і фатаграфавання дакументаў з фондаў    бібліятэкі.

  1. Для рэгістрацыі ў якасці карыстальніка бібліятэкай грамадзянін павінен  прад’явіць пашпарт ці іншы дакумент, які падцвярждае асобу. Паведаміць  неабходныя звесткі для афармлення рэгістрацыйных форм, вызначаных        бібліятэкай, пазнаёміцца з Правіламі карыстання бібліятэкай і падцвердзіць   згоду на іх выкананне асабістым подпісам.
  1. Фармуляр чытача афармляецца ў ручным або аўтаматызаваным рэжыме   супрацоўнікам бібліятэкі ў прысутнасці карыстальніка.
  1. Рэгістрацыя непаўналетніх ва ўзросце да чатырнаццаці гадоў у якасці   карыстальнікаў бібліятэкі ажыццяўляецца ў прысутнасці бацькоў, законных прадстаўнікоў пры прад’яўленні апошнімі пашпарта ці іншага дакумента, які       падцвярджае асобу.
  1. Рэгістрацыя непаўналетніх ва ўзросце ад чатырнаццаці да васемнаццаці гадоў  у якасці карыстальнікаў бібліятэкі ажыццяўляецца са згоды бацькоў ці законных прадстаўнікоў.
  1. Рэгістрацыя калектыўных карыстальнікаў (юрыдычных асоб) ажыццяўляецца  ў адпаведнасці з правіламі карыстання бібліятэкай на аснове дагавору, які   вызначае парадак прадастаўлення інфармацыйна-бібліятэчных паслуг.
  1. У выпадку страты, пашкоджання дакументаў з фондаў бібліятэкі   карыстальнікі пакрываюць (вяртаюць) або замяняюць іх ідэнтычнымі,  раўназначнымі, у тым ліку ў выглядзе копій. Пры адсутнасці магчымасці  замены дакументаў адміністрацыя бібліятэкі можа патрабаваць кампенсаваць    страту грашовымі сродкамі ў цэнах на момант разліку з бібліятэкай.
  1. За дакументы, страчаныя непаўналетнімі карыстальнікамі нясуць адказнасць  іх бацькі, або іншыя законныя прадстаўнікі.
  1. Адказнасць за захаванасць выданняў і матэрыялаў, атрыманых па МБА, нясе карыстальнік. У выпадку пашкоджання або страты выданняў карыстальнік  абавязаны замяніць іх  такімі ж (арыгіналам або копіяй) па дамоўленасці з бібліятэкай-фондатрымальнікам. У выпадку страты дакументаў пры паштовай  пересылцы адказнасць нясуць аддзяленні сувязі.
  1. Карыстальнікам бібліятэк, якія парушылі тэрміны вяртання дакументаў з фондаў бібліятэкі, далейшая выдача дакументаў спыняецца да поўнага  ўзаемаразліку па запазычаннасці.
  1. Карыстальнікі бібліятэкі, якія нанеслі шкоду маёмасці, альбо памяшканню  бібліятэкі, кампенсуюць нанесены ўрон у адпаведнасці з заканадаўствам Рэспублікі Беларусь.
  1. Бібліятэка абавязана забяспечваць высокую культуру абслугоўвання  карыстальнікоў, задавальняць іх патрэбы, падтрымліваць у бібліятэцы  спрыяльныя ўмовы работы для карыстальнікаў, выконваць правілы  супрацьпажарнай бяспекі.

 

 

 

 

Беларуская мова简体中文EnglishРусский