Да Міжнароднага Дня роднай мовы, які адзначаўся 21 лютага бібліятэкі Мядзельскага раёну падрыхтавалі шэраг мерапрыемстваў.
Так бібліятэкарамі Мядзельскай цэнтральнай раённай бібліятэкі была падрыхтавана і праведзена конкурсная праграма “Роднай мовы гук чароўны”. Вучні 10 і 11 класаў Мядзельскай сярэдняй школы №1 актыўна прынялі ўдзел у мерапрыемстве: перакладалі словы і словазлучэнні з рускай на беларускую мову, адгадвалі загадкі, адказвалі на пытанні па гісторыі і сучаснасці нашай роднай Беларусі .
Літаратурная гасціная “Дала мне маці гэту мову” прайшла у Будслаўскай сельскай інтэграванай бібліятэцы. На мерапрыемства былі запрошаны вучні 4 класа.
“У свеце вялікая колькасць цудоўных моў, але ёсць толькі адна мова, якая завецца роднай. Беларусам у спадчыну дасталася ўнікальная мова – жывая і мілагучная, паэтычная. Яе трэба не проста вывучаць і памятаць , на ей трэба размаўляць. Давайце пачнём сёння! ”
З такіх слоў і пачалася сустрэча. Дзеці адправіліся ў падарожжа па краіне роднай мовы. Падчас падарожжа рабілі прыпынкі: “Загадкі”, “Перакладчыкі”, “Словаведы”, “Падарунак. Старонкі мінулага і сучаснага”, “Крылатая паштоўка”, “Пазнай слова”. Прачыталі вершы А.Пысіна “Дала мне маці гэту мову”, У.Дубоўкі “Родная мова, цудоўная мова”, Н.Гілевіча “Родная мова”. Была прадстаўлена выстава кніг беларускіх пісьменнікаў і паэтаў “Любіце і шануйце, як святло, роднае слова”.
У Лук’янавіцкай сельскай бібліятэцы-клубе праходзіла акцыя “Любімае слова на беларускай мове”, таксама бібліятэкары падрыхтавалі прэзентацыю выставы-інсталяцыі “Беларуская мова – мелодыя сэрца”.
Нарацкая пасялковая бібліятэка правяла Дзень эрудытаў “Родная мова-цудоуная мова”. Прайшла прзентацыя новых кнiг, а iх вельмi шмат. З кнiгi A. Якiмовiча ” Жылi – былi лiтары” дзец іпазнаёмiлiся з займальнымi гicторыямi пра лiтары. З часопicам ” Вясёлка” прасцей вывучаць беларускую мову, з iм нiколi не будзе сумна. Таксама дзеці пагулялі ў гульню “Апрані ляльку”, якая ім вельмі спадабалася.
Russian
Belarusian